Óskemende taǵy da mektepterde eshqandaı bomba joq bolyp shyqty
15 aqpanda polıtsııaǵa Óskemendegi birneshe mektepte jarylǵysh zat qoıylǵany týraly habar kelip tústi.
«Sıgnaldy alǵannan keıin mamandandyrylǵan qyzmetter dereý oqıǵa oryndaryna keldi. Mektepterdi tekserý nátıjeleri boıynsha qandaı da bir qaýipti zattar tabylǵan joq. Atalǵan fakti boıynsha QR QK-niń 273-babymen sotqa deıingi tergeý amaldary bastaldy. Qazirgi ýaqytta bomba týraly jalǵan habarlaǵan adamdardy anyqtaý boıynsha is-sharalar júrgizilýde», - dep habarlady ShQO Polıtsııa departamentiniń baspasóz qyzmetinen.
Bul sońǵy 10 kúnde qaladaǵy mektepterge bomba qoıylǵany týraly altynshy habar. Alaıda áli kúnge deıin kúdiktiler anyqtalmaı keledi.
Eske salsaq, osyǵan deıin Óskemende birqatar mektepte oqýshylar úshinshi kún qatarynan sabaq oqı almaı otyrǵanyn habarlaǵan edik.