Óskemende taǵy da aýa sapasy nasharlaıdy

<p>ÓSKEMEN. KAZINFORM &ndash; Óskemen qalasynda taǵy da qolaısyz meteorologııalyq jaǵdaı qalyptasty.</p>

Óskemende 20 qarashada bastalǵan qolaısyz meteorologııalyq jaǵdaı (QMJ) 2 jeltoqsanǵa deıin sozylǵan edi. Sol ýaqytta qala ishin tútin tumshalap alǵan. Halyq tamaǵy kúıip, basy aýyryp, júregi aınyp, dem alý qıyndap ketkenine shaǵymdanyp jatty. Al jeltoqsan aıynda jelsiz kúnder azaıyp ketti.

Dese de búgin 18.00-den bastap qaıtadan qolaısyz meteorologııalyq jaǵdaı qalyptasyp otyr. «Qazgıdromet» RMK málimetinshe, ol 18 jeltoqsan saǵat 20.00-ge deıin jalǵasady.

Turǵyndarǵa QMJ kezinde dalada kóp júrmeýge keńes berildi. ShQO Sanıtarlyq epıdemıologııalyq baqylaý departamentiniń málimetine súıensek, páterdegi terezeler men jeldetkishterdi jaýyp otyrý, qaınatylǵan, tazartylǵan nemese gazsyz mıneraldy sý men sháı ishý, as sodasynyń eritindisimen tamaqty jıi shaıý usynylady.

Eske salsaq, osyǵan deıin Óskemende ekologııa salasyna bólinetin qarajat kólemi ósetini habarlanǵan.