Óskemende sý basý qaýpine baılanysty jedel jeli iske qosyldy

<p>ÓSKEMEN. KAZINFORM &ndash; Óskemen qalasynda sý basý qaýpine baılanysty jedel jeli iske qosyldy.</p>

Búginde qalada aýa raıy kúrt jylyp, qar erip jatyr. Osyǵan oraı kósheler men aýlalarda qar shyǵarý jumystary qyzý júrgizilýde.

«Taza Óskemen» kommýnaldyq memlekettik kásipornynyń málimetine súıensek, nóser kárizderi, aryq júıeleri men sý burý qurylystary qardan tazartylýda.

«Qalada káriz júıesimen jabdyqtalmaǵan birqatar aýmaq bar. Onda úlken kólemdegi sýdyń tez jınalyp ketý qaýpi týyndaıdy. Ótken demalys kúnderi sol aımaqtarǵa tartylǵan 5 tehnıka arqyly sý sorý jumystary júrgizildi», - delingen aqparatta.

Osy rette, Óskemende kóktemgi sý tasqyny joǵary kezeńge baılanysty jedel jeli iske qosyldy. Eger de úılerine qarǵyn sý jaıylý qaýpi baıqalsa turǵyndar 53-25-77 jáne 8-777-331-85-36 telefon nómirlerine habarlasa alady.