Óskemende spırtti asa iri kólemde zańsyz jetkizýmen aınalysqan toptyń joly kesildi
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda jáne odan tys jerlerde spırtti asa iri mólsherde zańsyz jetkizip, satýmen aınalysqandardyń jolyn kesti.
«Qala kósheleriniń birindegi óndiristik úı-jaıda 3 adam ustaldy. Olardyń biri 24, ekeýi 29 jasta. Іshten kólemi 1000 lıtr bolatyn 10 plastık ydys, erekshe ıisi bar móldir tústi zat quıylǵan plastık kanıstrler jáne spırt óndirýge arnalǵan 2 elektr nasos tárkilendi. Óndiris bólmesinde alynǵan spırttiń jalpy kólemi shamamen 4000 lıtrdi qurady», - delingen aqparatta.
Ary qaraı jedel is-sharalardy júrgizý barysynda qaladaǵy janarmaı quıý stansasynyń biriniń turaǵynda «Volvo» markaly júk kóligi tabyldy. Óndiristik bazanyń aýmaǵyna spırt osy kólikpen jetkizilip otyrǵan.
Avtokólikti tekserý barysynda kólemi 1000 lıtr bolatyn taǵy 11 plastık ydys tárkilendi. Onyń 7-ýinde erekshe ıisi bar móldir tústi zat bolǵan. Alynǵan spırttiń jalpy kólemi – 11000 lıtr.
Qazirgi ýaqytta atalǵan fakti boıynsha QR QK-niń 214-baby 1-bóligine (zańsyz kásipkerlik) sáıkes sotqa deıingi tergeý amaldary júrgizilýde.