Óskemende sheneýnikterdiń tóbelesi: Memqyzmet agenttigi túsinik berdi

NUR-SULTAN. QazAqparat - Memlekettik qyzmet isteri agenttiginiń baspasóz hatshysy Erhan Tatken «Óskemendegi sheneýnikter tóbelesine» qatysty beınematerıal boıynsha agenttiktiń pozıtsııasyn jetkizdi, dep habarlaıdy QazAqparat.

«Qazirgi ýaqytta agenttiktiń Shyǵys Qazaqstan oblysy boıynsha departamenti oryn alǵan jaǵdaıǵa memlekettik qyzmetshilerdiń qatysy bolýy nemese bolmaýyn anyqtaý maqsatynda tıisti jumystardy atqarýda. Agenttik atalǵan máseleni erekshe baqylaýǵa aldy. Tekseris nátıjeleri týraly jurtshylyqqa qosymsha habarlanatyn bolady», - dedi E.Tatken.

Eske salaıyq, Instagram-akkaýnttardyń birinde vıdeo jarııalanǵan bolatyn. Vıdeoǵa berilgen kommentarııde aıtylǵandaı, Óskemen meımanhanalarynyń birinde qala sheneýnikteri janjaldasyp, onyń sońynda bir adam pyshaq jaraqatyn aldy.