Óskemende shaǵyn avtobýstan zańsyz tasymaldanǵan 3,5 tonna spırt tárkilendi

ÓSKEMEN. QazAqparat – Óskemen qalasynda shaǵyn avtobýstan zańsyz tasymaldanǵan 3,5 tonna spırt tárkilendi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, tártip saqshylary quramynda spırti bar eritindi partııasyn zańsyz tasymaldaý faktisin anyqtady.

«Óskemende polıtsııa qyzmetkerleri 41 jastaǵy er adam tizgindegen «Hyundai» markaly shaǵyn avtobýsty toqtatqan. Tekserý kezinde spırt quıylǵan 739 plastıkalyq bótelkeni tapqan. Tárkilengen zattar ary qaraı tekserý úshin saraptamaǵa joldandy», - delingen aqparatta.

Departament qyzmetkerleri turǵyndarǵa quramynda sapasyna eshkim kepildik bermeıtin spırti bar ónimderdi tutyný densaýlyqqa úlken qaýip tóndirýi múmkin ekendigin eske salady.

Sonymen qatar spırttik ónim aýyr qylmystarǵa ákelip soqtyryp jatady.