Óskemende ruqsatsyz salynyp jatqan 5 kópqabatty úıdiń qurylysy toqtatyldy
ShQO memlekettik Sáýlet-qurylys baqylaý basqarmasy Óskemende ruqsat beretin qujattary tolyq bolmaı shyqqan 5 kópqabatty úıdiń qurylysyn toqtatty. Olar «Astoria», «Asyl Tau», «Shańyraq», «Krylov» jáne «Muztaý» turǵyn úı keshenderi.
«Qazirgi ýaqytta qala boıynsha barlyǵy 35 turǵyn úı kesheni salynyp jatyr. Jyl basynan beri qurylys jumystaryn júrgizip jatqan eki kompanııa QR «Ákimshilik quqyq buzýshylyq týraly» kodekstiń 320-baby (Turǵyn úı qurylysyna úlestik qatysý týraly zańnamalyq aktini jáne turǵyn úı zańnamasynyń talaptaryn buzý) boıynsha ákimshilik jaýapkershilikke tartyldy. Osy rette, turǵyndarǵa salynyp jatqan úıdi brondaý sharttary zańsyz ekendigin, úıdi kelisimshartta kórsetilgen merzimde alýǵa kepildik bermeıtinin eskertemiz», - dep habarlady basqarmadan.
Kóbinese qurylys kompanııalary joǵary sanatty páterlerdi jarnamalap jatady. Degenmen jobalyq qujattamaǵa sáıkes turǵyn úı klasy jarnamaǵa sáıkes kelmeı shyǵýy múmkin.