Óskemende psıhotroptyq zattardy saýdalaýshy ustaldy

ÓSKEMEN. QazAqparat – Óskemen qalasynda polıtsııa qyzmetkerleri júıkege áser etetin zattardy saýdalaǵan er adamdy ustady, dep habarlaıdy QazAqparat tilshisi.

Shyǵys Qazaqstan oblystyq Polıtsııa departamenti baspasóz qyzmetiniń málimetine súıensek, jedel-izdestirý sharalaryn júrgizgen tártip saqshylary mobıldi qosymsha arqyly psıhotroptyq zattardy saýdalaǵan 35 jastaǵy kúdiktini shahardaǵy qonaqúılerdiń biriniń mańaıynan qolǵa túsirdi.

«Tintý kezinde Glýbokoe aýdanynyń turǵynynan polımerli túıinshek tabyldy. Saraptama qorytyndysy boıynsha bul psıhotroptyq zat bolyp shyqty. Osylaısha, polıtsııa qyzmetkerleri 40-tan astam dozanyń taratylýyna tosqaýyl qoıdy», - dedi ShQO PD bastyǵy Saǵat Mádıev.

Qazirgi ýaqytta atalǵan fakti boıynsha QR Qylmystyq Kodeksiniń 297-baby, 3-bóligi boıynsha sotqa deıingi tergeý amaldary júrgizilýde.