Óskemende polıtseıge kúsh kórsetken eki jigit ustaldy

ÓSKEMEN. QazAqparat – Óskemen qalasynda jol apatyna túsken er adamdar oqıǵa ornyna kelgen polıtsııa qyzmetkerlerine qarsy kúsh qoldanǵan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, esirtki qabyldap kólik tizgindegen 22 jastaǵy jigit Sátbaev dańǵylynda kele jatqan. Rýlge ıe bola almaı qalǵan ol jol shetindegi kógalǵa shyǵyp ketti.

«Oqıǵa ornyna polıtseıler kelip jetken. Sol kezde kólikten shyqqan eki er adam tártip saqshylaryna baǵynbaı, kúsh qoldandy. Qastarynda bir qyz bolǵan. Qazirgi ýaqytta olar ustalyp, ızolıatorǵa qamaýǵa alyndy», - delingen aqparatta.

Atalǵan fakti boıynsha QR Qylmystyq Kodeksiniń 380-babyna (Bılik ókiline kúsh qoldaný) sáıkes tergeý bastaldy. Er adamdar 7-den 12 jylǵa deıin bas bostandyǵynan aıyrylýy múmkin.

Sondaı-aq, kólik júrgizýshisine qatysty QR ÁQBtK-niń 608-babymen ákimshilik hattama toltyryldy.

Esterińizge sala ketsek, osyǵan deıin ShQO-da kontrabandalyq qarýdyń 65 dana optıkalyq kózdeýishi tárkilengenin habarlaǵan edik.