Óskemende pyshaq jaraqatyn alǵan eki oqýshynyń jaǵdaıy qalaı

<p>ÓSKEMEN. KAZINFORM &ndash; Óskemen qalasynda pyshaq jaraqatyn alǵan eki oqýshynyń qazirgi jaǵdaıy belgili boldy</p>

Keshe qaladaǵy orta mektepterdiń birinde eregesip qalǵan eki oqýshynyń biri qaltasynan jınalmaly pyshaq alyp, qarsylasyna suǵyp jibergen. Ol ózine de abaısyzda dene jaraqat keltirgen edi.

ShQO Densaýlyq saqtaý basqarmasy baspasóz qyzmetiniń málimetine súıensek, qazirgi ýaqytta jasóspirimderdiń jaǵdaıy qalypty.

«Bolǵan oqıǵadan keıin ekeýi de birden Ana men bala ortalyǵyna jatqyzylǵan. Olarǵa barlyq qajetti medıtsınalyq kómek kórsetildi. Naýqastardyń ómiri men densaýlyǵyna eshqandaı qaýip tónip turǵan joq», - delingen habarlamada.

Aıta keteıik, polıtseıler buzaqylyq faktisi boıynsha sotqa deıingi tergeý júrgizýde.