Óskemende para alǵan polıtseı 3 jarym mln teńge aıyppul tóleıdi

<p>ÓSKEMEN. KAZINFORM &ndash; Óskemen qalasynda para alǵan polıtsııa qyzmetkeri 3 jarym mln teńge aıyppul tóleıdi.</p>

Qalalyq №2 soty baspasóz qyzmetiniń málimetine súıensek, polıtseı aıyp turaǵyna qoıylǵan avtokólikterdi qabyldaý-tapsyrý aktilerin jáne alýǵa ruqsattardy zańsyz bergeni úshin 100 000 teńge kóleminde para alǵan.

Sot barysynda aıyptalýshy óz kinásin tolyqtaı moıyndap, istegenine qatty ókinetindigin bildirdi. Іsti jeńildetetin mán-jaı retinde onyń qaraýynda kámeletke tolmaǵan balalarynyń bary da eskerildi.

«Sot sheshimimen polıtsııa qyzmetkerine 3 500 000 teńge aıyppul salyndy. Ol polıtsııa podpolkovnıgi sheninen aıyryldy. Úkim áli zańdy kúshine engen joq», - delingen aqparatta.