Óskemende ózgeniń kóligin aıdap ketken er adam dúkenge soǵyldy

<p>ÓSKEMEN. KAZINFORM &ndash; Óskemen qalasynda ózgeniń kóligin aıdap ketip, dúkenge soǵylǵan er adamǵa qatysty qylmystyq is qozǵaldy.</p>

Qaladaǵy Metallýrgter mádenıet saraıynyń mańynda «Audi» markaly avtokólikti tizgindep kele jatqan azamat dúkenge kelip soǵylǵan. Sońynan anyqtalǵandaı, bul kólik júrgizýshige tıesili emes bolyp shyqty.

«Tártip saqshylaryna habarlasqan Óskemen turǵyny avtokóligin belgisiz bireýdiń aıdap ketkenin jetkizdi. Kóp uzamaı sol kólik jol apatyna túsken. Qazirgi ýaqytta kúdikti ustaldy. Atalǵan fakti boıynsha qylmystyq is qozǵalyp, tergeý amaldary júrgizilip jatyr», - dep habarlady ShQO Polıtsııa departamentiniń baspasóz qyzmeti.

Vedomstvo dereginshe, jol-kólik oqıǵasy boıynsha jeke is qozǵalady.

Eske salsaq, osyǵan deıin Semeıde bozbala mototsıkl tizgindep, ózin toqtatqan polıtseılerden qashqany habarlanǵan.