Óskemende ózge ult ókilderi «Bir shańyraq astyna» jınaldy

ÓSKEMEN. QazAqparat – Óskemendegi A.Pýshkın atyndaǵy oblystyq kitaphanada Alǵys aıtý kúnine oraı «Bir shańyraq astynda» atty merekelik shara ótti, dep habarlaıdy QazAqparat.

Shara barysynda Shyǵys Qazaqstanda turatyn halyqtardyń barlyq tilderinde óleń oqylyp, án shyrqaldy. Sondaı-aq jıylǵan qaýym «Birińdi biriń ǵızzát, qurmet etis...» atty kitap kórmesin tamashalady. Atalmysh kórmege jergilikti jazýshylardyń, aqyndardyń kitaptary jáne etnıkalyq toptar ókilderiniń dostyq, Otanǵa degen súıispenshilik, eldiń mádenıeti men tarıhyn baıandaıtyn basylymdary usynylǵan.

«Qazaqstandyqtardy 1 naýryz – Alǵys aıtý kúnimen shyn júrekten quttyqtaımyn. Osy kúnde bir elde beıbit ómir súrip jatqanymyz úshin barshańyzǵa alǵys aıtqym keledi. Kitaphana ujymyna osyndaı shara uıymdastyrǵany úshin rızamyz. Mádenıet oshaǵyna elimizde turatyn halyqtardyń salt-dástúrimen tanysýǵa jáne rýhanı dúnıemizdi baıytý úshin jıi kelip turamyz», - deıdi zeınetker Natalıa ıAkovleva