Óskemende órtengen úıden er adamnyń denesi tabyldy

<p>ÓSKEMEN. KAZINFORM &ndash; Óskemen qalasynda páterde órt shyǵyp, 37 jastaǵy adam kóz jumdy.</p>

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 3 naýryz kúni Bajov kóshesinde bolǵan. Kópqabatty úıdegi páterlerdiń birinde órt shyqty.

«Úshinshi qabattaǵy páterdiń terezesinen qoıý tútin shyǵyp jatqanyn baıqaǵan kýágerler órt sóndirýshilerge qońyraý shalǵan. Sol jerge kelip jetken TJD qyzmetkerleri avtosatymen kóterilip, tereze arqyly ishke kirdi. Páterde jeke zattar, turmystyq tehnıka, eden men esik janyp jatty» delingen aqparatta.

Bólmelerdiń birinen denesin termııalyq kúıik shalǵan adamnyń máıiti tabyldy.

Marqumnyń 37 jastaǵy er adam ekeni belgili.

Aldyn ala málimet boıynsha órttiń shyǵýyna otty abaısyz paıdalaný sebep bolǵan.