Óskemende órtengen páterden 89 jastaǵy keıýana qutqaryldy

<p>Óskemen qalasynda otqa oranǵan páterden 89 jastaǵy keıýana qutqaryldy, dep habarlaıdy <a href="Kazinform." target="_blank" rel="noopener">Kazinform.</a></p>

ShQO Tótenshe jaǵdaılar departamentiniń málimetine súıensek, oqıǵa Permıtın kóshesinde bolǵan.

«Toǵyz qabatty turǵyn úıdegi páterde órt shyqqany jaıly habar tústi. Sol jerge órt sóndirýshiler jedel kelip jetti. Olar kele salysymen barlaý jasap, úshinshi qabattaǵy páterdiń otqa oranyp jatqanyn anyqtady», - delingen aqparatta.

Tútin basqan páterge kirgen órt sóndirýshiler tósek-oryn men edendi sharpyǵan qyzyl jalyndy aýyzdyqtady.

«Páter ishinde 89 jastaǵy keıýana es-tússiz jatty. TJD qyzmetkerleri ony shuǵyl túrde tútin basqan bólmeden shyǵaryp, tynys alý apparatymen ottegin berý arqyly alǵashqy kómek kórsete bastady. Sodan keıin apattar medıtsınasy ortalyǵynyń dárigerleri zardap shegýshini medıtsınalyq mekemege jetkizdi», - delingen habarlamada. 

Órttiń shyǵýyna otty abaısyz qoldaný sebep bolýy múmkin.