Óskemende órt sóndirýshiler tútinge tunshyqqan keıýanany qutqardy
15:23, 21 Shilde 2021
ÓSKEMEN. QazAqparat - Keshe Óskemende órt sóndirýshileri tútinge ýlanǵan 1933 jyly týǵan áıeldi qutqardy, dep habarlaıdy QazAqparat qalalyq TJB-na silteme jasap.
Páter terezesinen shyqqan tútindi baıqap qalǵan kórshiler órt sóndirý qyzmetin shaqyrǵan. Oqıǵa ornyna shuǵyl jetken órt sóndirýshiler esikti qaǵyp, eshkim jaýap bermegen soń tútin shyqqan tórtinshi qabattaǵy páterge baspaldaqtyń kómegimen kirdi. Edende es- tússiz jatqan qart áıeldi kórgen olar dereý kóshege shyǵaryp Apattar medıtsınasy ortalyǵynyń dárigerlerine tapsyrdy. Tekserýden keıin áıel aýrýhanaǵa jatqyzyldy.
Belgili bolǵandaı, keıýananyń qyzy peshte tamaq qaldyryp ketken. Al pesh birneshe saǵat boıy qosýly turǵan.