Óskemende órt sóndirý kóliginiń úzdik júrgizýshisi anyqtaldy
«Jarys jyl saıyn ótkiziledi. Bul órt sóndirýshilerge óz múmkindikterin tekserýge múmkindik beredi. Órtti sóndirý kezinde kóp nárse júrgizýshiniń jınaqylyǵyna jáne onyń sheberligine baılanysty. Onyń negizgi mindeti – qysqa merzimde jeke quramdy jáne órt sóndirý quraldaryn TJ órt bolǵan jerge qaýipsiz jetkizý. Ásirese, bul qalalyq jerlerge qatysty. Órt sóndirýshi-júrgizýshiler kez kelgen sekýndta shaqyrtýǵa shyǵý úshin árdaıym jedel ázirlikte bolýy tıis. Arnaıy tehnıkanyń jaǵdaıyn mindetti túrde baqylaýy kerek. Órt sóndirý avtomobıli jeńqubyr jelisin múmkindiginshe jaqyn ornalastyrýǵa múmkindik berip, qajetti qysymdy joǵaltpaýy úshin oqıǵa ornyna durys kire bilýi de mańyzdy», - deıdi ShQO TJD «ÓSjAQJQ» MM bastyǵy Aıdos Núsipbaev.
Jarysqa Óskemennen 8, Glýbokoe jáne Ulan aýdandyq 2 bólimniń órt sóndirýshileri qatysty. Olardyń kedergiler jolaǵynan ótý jedeldigi ǵana emes, sonymen qatar teorııalyq bilimi de baǵalandy.
Jarys eki kezeńde ótti – jol júrý erejelerin bilý, kezekshilikke túsý kezinde kóbik aralastyrǵyshty tekserý jáne jyldam manevr jasaý, sorǵymen sý berý.
Nátıjesinde, №10 órt sóndirý bóliminiń júrgizýshisi, azamattyq qorǵaý serjanty Syrym Smaǵulov jeńimpaz atandy.