Olımpıada chempıony Olga Rypakova referendýmda óz tańdaýyn jasady

<p>ÓSKEMEN. KAZINFORM — Óskemen qalasynda Olımpıadanyń 3 dúrkin júldegeri Olga Rypakova referendýmda daýys berdi.</p>

№ 7 saılaý ýchaskesi qalanyń Jibek matalar kombınaty yqshamaýdanyndaǵy № 45 orta mektepte ornalasqan.

Bul ýchaskege Olımpıada chempıony Olga Rypakova kelip daýys berdi. 

«Búgin ádettegideı ózimniń azamattyq pozıtsııamdy bildirý úshin osynda keldim. Sál aýyryńqyrap tursam da saılaý ýchaskesine kelip, daýys berdim. Sebebi elimniń patrıoty bolǵandyqtan osyndaı mańyzdy referendýmnan qalys qalmaýym kerek. Bul barsha qazaqstandyqtardyń mindeti dep esepteımin», — dedi qazaqstandyq jeńil atlet. 

Olga Rypakova úsh qarǵyp sekirýden Londonda ótken Olımpıada oıyndarynyń chempıony (2012).

Sondaı-aq Beıjiń (2008) jáne Rıo-de-Janeırodaǵy (2016) Olımpıada oıyndarynyń eki márte qola júldegeri.

Eske salsaq, ShQO-da referendým kúni 538 ýchaske jumys isteıdi. Onda 487 824 adam daýys berýge quqyly.