Óskemende Naýryz meıramyna oraı «Taqııa toı» baıqaýy ótti

ÓSKEMEN. QazAqparat – Óskemen qalasynda Oralhan Bókeı atyndaǵy kitaphanada Naýryz meıramyna oraı «Taqııa toı» baıqaýy ótti, dep habarlaıdy QazAqparat tilshisi.

Qalalyq mádenıet jáne tilderdi damytý bóliminiń qoldaýymen uıymdastyrylǵan baıqaýǵa Nur-Sultan, Almaty, Atyraý, Óskemen, Rıdder qalalary, Ulan, Zaısan, Tarbaǵataı, Jarma aýdandarynyń áýesqoı qolóner sheberleri 40-tan asa taqııa usyndy.

Sharanyń shymyldyǵyn atalǵan bólim basshysy Qalqaman Sarın óziniń quttyqtaý sózimen ashty:

«Ulystyń uly kúni Qazaqstan halqynyń bir jaǵadan bas, bir jeńnen qol shyǵaratyn, bereke-birligimizdi tanytatyn meıramǵa aınaldy. Osy kúndi basqa ult ókilderi de ańsap kútetinin baıqaımyz. ıAǵnı, bul áz-Naýryzdyń halyqtyq, buqaralyq sıpat alǵandyǵynyń belgisi», - dedi ol.

Qazylar alqasynyń tóraǵasy Aıtmuhambet Qasymovtyń aıtýynsha, áýesqoı sheberler tikken taqııalar iriktelip alyndy. Ulttyq naqyshqa jáne áshekeılermen bezendirý talǵamyna basa mán berilgen. Ótinimder túskende ár taqııaǵa tek nómirler jazyldy, sol sebepti taqııalardy baǵalaý barynsha ádil ótkizildi.

Baıqaý qorytyndysyna sáıkes bas júlde – Gúlbaqyt Shárip, 1 oryn – Mıra Soltaeva, 2 oryn – Altyn Ádı 3 oryn – Gúljaýar Sábıtova.