Óskemende muǵalim jalaqysyn arttyrý úshin «pedagog-moderator» qujatyn qoldan jasaǵan

<p>ÓSKEMEN. KAZINFORM &ndash; Óskemen qalasynda &laquo;pedagog-moderator&raquo; sanatyn alǵany týraly jalǵan qujat jasaǵan muǵalim sottaldy.&nbsp;</p>

Qalalyq №2 soty baspasóz qyzmetiniń málimetine súıensek, mektepte muǵalim bolyp jumys isteıtin áıel «muǵalim-moderator» biliktilik sanatyn aıaqtaǵany týraly jalǵan sertıfıkat jasaǵan. Sodan soń jalaqysyn kótertý úshin qujatty oqý ornynyń dırektoryna usynǵan. Alaıda bunysy áshkere bolyp, isi sotqa jetti.

«Sot sheshimimen ol QR Qylmystyq Kodeksiniń 385-baby 3-bóligine (Kórineý jalǵan qujat paıdalaný) kináli dep tanydy. Kinásin moıyndap, istegenine shyn júrekten ókinýi jáne buryn sotty bolmaýy jaýaptylyqty jeńildetetin mán-jaılar retinde tanyldy. Aıyptalýshyǵa 73 840 teńge aıyppul salyndy», - delingen aqparatta.

Úkim zańdy kúshine engen joq.