Óskemende muǵalimdi eden jýýǵa májbúrlegen dırektor aıyppul tóleýi múmkin

ASTANA. QazAqparat – QR Oqý-aǵartý mınıstrligi bilim salasynda sapany qamtamasyz etý komıtetiniń tóraǵasy Ernur Daýenov vedomstvonyń apparat keńesinde peagogterdi basy artyq jumysqa tartý faktileri týraly málimet berdi, dep habarlaıdy QazAqparat tilshisi.

«Osy aptada Shyǵys Qazaqstan oblysy Óskemen qalasynyń №46 mekteptiń pedagoginen meniń atyma aryz kelip tústi. Mektep dırektory muǵalimdi eden jýýǵa májbúrlegen. Qazirgi tańda fakti boıynsha tıisti jumys júrip jatyr. Mektep basshylyǵynyń kinási dáleldengen jaǵdaıda ákimshilik jaza qoldanylady», - dedi komıtet tóraǵasy.

Sondaı-aq, spıker pedagogterdi basy artyq jumysqa tartý faktileriniń sany 200-ge jaqyndaǵanyn atap ótti.

«Pedagogterdi muǵalimge tán emes fýnktsııalarǵa tartý problemasy da ózektiligin joǵaltpaı tur. Búgingi tańda bizdiń departamentterde barlyǵy 182 fakt tirkelgen. Onyń 93-i boıynsha ákimshilik is qozǵalsa, 100 fakti aýmaqtyq departamentter janyndaǵy konsýltatıvtik keńesshi organdarda qaralyp jatyr», - dedi Ernur Daýenov.

Foto: recruitmentagencynow.com