Óskemende mototsıkl tizgindegen adamdy qaǵyp óltirgen kólik júrgizýshisi 2 jylǵa sottaldy

<p>ÓSKEMEN. KAZINFORM &ndash; Óskemen qalasynda mototsıkl tizgindegen adamdy qaǵyp óltirgen kólik júrgizýshisi 2 jylǵa bas bostandyǵynan aıyryldy.&nbsp;</p>

Jol-kólik oqıǵasy Menovnoe kentinde bolǵan. Toyota Land Cruiser avtokóligin tizgindegen 60 jastaǵy azamat solǵa burylǵan kezde negizgi jolda kele jatqan mototsıkldi ótkizbeı qoıǵan.

Sonyń saldarynan jol talǵamaıtyn kólik pen mototsıkl soqtyǵysty. Aýyr jaraqat alǵan 31 jastaǵy azamat shuǵyl túrde aýrýhanaǵa jetkizilgen. Alaıda dárigerler ony aman saqtap qala almady. Er adam esin jımastan oblystyq mamandandyrylǵan medıtsınalyq ortalyqta kóz jumdy.

Osyǵan baılanysty sot isi Óskemen qalalyq №2 sotynda qaraldy. 

«Sot sheshimimen aıyptalýshy kináli dep tanylyp, eki jylǵa bas bostandyǵynan shekteldi. Sondaı-aq ol bir jylǵa kólik júrgizý quqyǵynan aıyryldy. Úkim áli zańdy kúshine engen joq», - dep habarlady sottyń baspasóz qyzmetinen.