ÓSKEMEN. KAZINFORM – Óskemen qalasynda meıramhanada shyqqan órt aýyzdyqtaldy.
ShQO Tótenshe jaǵdaılar departamenti baspasóz qyzmetiniń málimetine súıensek, Qazaqstan kóshesinde jeke turǵan bir qabatty meıramhana órtengen. Habar túse salysymen órt sóndirýshiler oqıǵa bolǵan jerge shuǵyl bardy.
«Saǵat 06.53-te oqshaýlanǵan tilsiz jaý 07.49-te tolyqtaı sóndirildi. Zardap shekken eshim joq. Órtpen kúreske TJD jeke quramynan 35 adam jáne 9 tehnıka jumyldyrylǵan», - dep habarlady vedomstvo ókilderi.
Ázirge ottyń neden shyqqan belgisiz. Tekserý jumystary júrgizilip jatyr.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.