Óskemende mektepten eshqandaı bomba tabylmady
ShQO polıtsııa departamenti baspasóz qyzmetiniń málimetine súıensek, 13 aqpanda saǵat 14.30-da Óskemendegi mektepterdiń birinde jarylǵysh zat qoıylǵandyǵy týraly habar túsken.
Mamandandyrylǵan qyzmetter dereý oqıǵa ornyna keldi.
«Sol jerden qyzmetkerler men oqýshylardy evakýatsııalaý júrgizildi. Mektepti tekserý nátıjeleri boıynsha qandaı da bir qaýipti zattar tabylǵan joq. Atalǵan fakti boıynsha QR QK-niń 273-babymen sotqa deıingi tergeý bastaldy. Qazirgi ýaqytta jarylǵysh zat týraly jalǵan habarlaǵan adamdardy anyqtaý boıynsha is-sharalar júrgizilip jatyr», - delingen aqparatta.
Osy rette, polıtsııa departamenti mundaı qylmys jasaǵany úshin 5 jylǵa deıin bas bostandyǵynan aıyrý jazasy qarastyrylǵanyn eskertedi.
Eske salsaq, buǵan deıin Óskemen qalasynda sońǵy 8 kúnde mektepke bomba qoıylǵany týraly tórtinshi habar túskeni habarlanǵan.