Óskemende mektep oqýshylary taǵy da onlaın formatta oqıdy

ÓSKEMEN. QazAqparat – Óskemen qalasynda mektep oqýshylary aıazǵa baılanysty ekinshi kún qatarynan onlaın formatta oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir aýmaǵynda aıazdyń beti qaıtpaı tur. 29 qarashada túnde oblystyń soltústik-shyǵysynda aýa temperatýrasy 43 gradýsqa deıin tómendeıdi.

«Onyń ishinde Óskemende de qatty aıaz. Soǵan oraı qala mektepterindegi birinshi aýysymdaǵy 0-11 synyp oqýshylary úshin sabaq qashyqtan ótedi», - delingen aqparatta.

Ózge aýdandarda oqýshylardyń qalaı oqıtyny týraly aqparat áli jarııa etilmedi.

Eske salsaq, osyǵan deıin Abaı oblysynda oqýshylar men kolledjderdiń stýdentteri qashyqtan oqıtyndyǵy habarlanǵan.