Óskemende mas kúıinde kólik júrgizgen turǵyn qamaýǵa alyndy

<p>ÓSKEMEN. KAZINFORM &ndash; Óskemen qalasynda júrgizýshi kýáliginen aıyrylsa da kóshede mas kúıde kólik tizgindegen boıjetken ustaldy.&nbsp;</p>

ShQO Polıtsııa departamenti baspasóz qyzmetiniń málimetine súıensek, tártip saqshylary qala kósheleriniń birinde «Honda» markaly avtokólikti toqtatqan. Kólik tizgininde otyrǵan 25 jastaǵy qala turǵynynyń ishimdik ishkeni anyqtaldy.  

«Qujattardy tekserý kezinde ol ótken jyly sot sheshimimen 7 jyl merzimge kólik quraldaryn basqarý quqyǵynan aıyrylǵany belgili boldy. Polıtsııa qyzmetkerleri kólikti arnaıy avtoturaqqa qoıdy», - delingen aqparatta. 

Foto: ShQO PD

Qazirgi ýaqytta atalǵan fakti boıynsha QR QK-niń «mas kúıde kólik quraldaryn basqarý quqyǵynan aıyrylǵan adamnyń kólik quralyn basqarýy» babymen tergeý amaldary júrgizilip jatyr. 

Aıta keteıik, jyl basynan beri shyǵysqazaqstandyq polıtseıler oblys joldarynda 600-den astam mas júrgizýshini anyqtaǵan.