Óskemende mas kúıde rýlge otyrǵan áıel turaqtaǵy 4 birdeı kólikti soqty

ÓSKEMEN. QazAqparat – Óskemen qalasynda mas kúıde rýlge otyrǵan áıel turaqta turǵan 4 birdeı kólikti soqty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, oqıǵa qaladaǵy Esenberlın dańǵylynda bolǵan. Mas kúıde «VAZ 21703» avtokóligin tizgindegen 28 jastaǵy áıel rýlge ıe bola almaı qalyp, turaqta turǵan 4 birdeı kólikti soqty. https://www.instagram.com/p/CwuS47YrSMbzJcJFyt63cJDUImaGJDJRqs7eGU0/

«Onyń bul kólikti aıdaýǵa quqyǵy da joq bolyp shyqty. Abyroı bolǵanda, zardap shekken eshkim joq. Júrgizýshige qatysty QR ÁQBtK-niń 608-baby 6-bóligimen (kólik quralyn alkogoldik, esirtkilik jáne (nemese) ýytqumarlyq masań kúıde basqarǵany úshin) ákimshilik hattama toltyryldy», - delingen aqparatta.

Endi áıel adam jıyrma táýlikke ákimshilik qamaqqa alynýy múmkin.