Óskemende kúıeýin bólimshege áketpek bolǵan polıtseılerdi urǵan áıel 4 jylǵa sottaldy

<p>ÓSKEMEN. KAZINFORM &ndash; Óskemen qalasynda kúıeýin bólimshege áketpek bolǵan polıtseılerdi boqtap, judyryq ala júgirgen áıel adam 4 jylǵa bas bostandyǵynan shekteldi.</p>

Qalalyq №2 soty baspasóz qyzmetiniń málimetine súıensek, polıtsııa qyzmetkerleri túsken aryz boıynsha kórsetilgen mekenjaıǵa baryp, er adamdy bólimshege alyp ketpek bolǵan. Sol kezde onyń áıeli qarsylyq tanytyp, tártip saqshylaryna shabýyl jasaǵan.

«Áıel adam polıtseılerdiń biriniń betinen, basynan jáne aıaǵynan birneshe ret uryp, ekinshisiniń ıek tusyna judyryq siltegen. Mas kúıde bolǵan áıel qyzmettik mindetin atqaryp júrgen quqyq qorǵaý organy qyzmetkerlerine balaǵat sózder de aıtqan», - delingen aqparatta.

Sot sheshimimen aıyptalýshy 4 jyl merzimge bas bostandyǵyn shekteldi. Úkim áli zańdy kúshine engen joq.