Óskemende jaryqshamdar nege kúndiz janyp tur – ákimdik jaýaby

<p>ÓSKEMEN. KAZINFORM &ndash; Óskemen qalasy ákimdigi kúndiz nege jaryqshamdary janyp turǵandyǵyn túsindirdi.</p>

Qala turǵyndary kóshedegi jaryqshamdardyń kúndizgi ýaqytta bostan bosqa janyp turatyndyǵyn jıi aıtyp jatady. Búgin de Jibek matalar kombınaty yqsham aýdanyndaǵy Kókjal Baraq kóshesinde jaryqshamdardyń janyp turǵandyǵy baıqalǵan.

Bunyń sebebin Óskemen qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminen túsindirip berdi.

«Jaryq jelisindegi aqaýlardy anyqtaý maqsatynda kúndizgi ýaqytta keı kóshelerde jaryqshamdar jaǵylady. 7 qazan kúni osyndaı tekserý jumystary Kókjal Baraq kóshesinde júrgizildi», - dep habarlady bólim mamandary.

Eske salsaq, osyǵan deıin Óskemende 428 kóshede janbaı turǵan jaryqshamdar qaıta jarqyraǵanyn habarlaǵan edik.