Óskemende quqyq buzýshyny ustaǵan jedel járdem qyzmetkerleri marapattaldy

<p>ÓSKEMEN. KAZINFORM &ndash; Óskemen qalasyndaǵy janarmaı quıý beketi jumysshylaryna qoqan-loqy kórsetken adamdy ustaǵan jedel járdem qyzmetkerleri marapattaldy.</p>

ShQO Densaýlyq saqtaý basqarmasy baspasóz qyzmetiniń málimetine súıensek, quramynda feldsher Danııar Qalıbekov, júrgizýshi Aıdar Raısov jáne sanıtar Vıktor Hýdıakov bar jedel medıtsınalyq járdem brıgadasy qala irgesindegi Sogra shaǵyn aýdanyna shaqyrtýǵa bara jatqan. 

Olar janarmaı quıý beketiniń janynan ótkende betperde kıgen er adamnyń kassır áıel men kúzetshige qoqan-loqy kórsetip jatqanyn baıqap qalǵan. Birden kólikti toqtatqan dárigerler eń áýeli polıtsııaǵa qońyraý shalady. 

Foto: ShQO Densaýlyq saqtaý basqarmasy

«Júrgizýshi sırena sıgnalyn qosyp, quqyq buzýshynyń nazaryn basqa jaqqa aýdaryp jiberdi. Sol kezde kassır men kúzetshi ǵımarattan syrtqa shyǵyp úlgerdi. Kúdikti lezde qashyp ketpek boldy. Biraq Danııar Qalıbekov pen Aıdar Raısov ony qýyp jetip, ustap alyp, kóp uzamaı kelip jetken polıtsııa qyzmetkerlerine tapsyrǵan», - delingen aqparatta.

Oblystyq Polıtsııa departamentiniń bastyǵy Erlan Omarbekov erlik kórsetken jedel járdem qyzmetkerlerine Alǵys hat pen baǵaly syılyq tabystady. Óz sózinde ol aq halattylardyń azamattyq ustanymyn joǵary baǵalap, izgi tilegin arnady.