Óskemende qubyr jarylyp, bir shaǵyn aýdan halqy sýsyz qaldy

<p>ÓSKEMEN. KAZINFORM &ndash; Óskemen qalasynda sý qubyry jarylyp, Prohladnyı shaǵyn aýdanynyń turǵyndary sýyq sýsyz qaldy.</p>

21 qarasha kúni Nazarbaev dańǵyly, 93 mekenjaıyndaǵy ınjenerlik jelilerde aqaý shyǵyp, sý qubyry jarylǵan. Sonyń saldarynan saǵat 10:00-den bastap Prohladnyı shaǵyn aýdany sýyq sýsyz qaldy. 

Halyq qalpyna keltirý jumystary aıaqtalmaıynsha sýsyz otyrýǵa májbúr. Tek úıler emes, sol aýmaqta ornalasqan №27 mektepte de sýyq sý óshirildi. 

«Óskemen Vodokanal» kásipornynyń málimetine súıensek, qazirgi ýaqytta qubyr jarylǵan jerde tıisti jumystar júrgizilip jatyr. 

«Biraq onyń naqty qashan aıaqtalatyny ázirge belgisiz. Turǵyndarǵa aýyzsý tasý jumystary da júrgiziledi», - delingen aqparatta. 

Eske salsaq, osyǵan deıin Rıdderde tabıǵattyń tosyn minezinen keıin halyq birneshe kún boıy sýsyz qalǵany habarlanǵan.