Óskemende kórsetkishin jaqsartý úshin jalǵan hattamalar toltyrǵan polıtseı sottaldy

<p>ÓSKEMEN. KAZINFORM &ndash; Óskemen qalasynda qyzmettik kórsetkishin jaqsartý úshin birneshe jalǵan hattama toltyrǵan polıtseı sottaldy.&nbsp;</p>

Polıtsııa basqarmasynda patrýldik polıtsııa batalonynyń ınspektory bolyp qyzmet etken aıyptalýshynyń isi qalalyq №2 sotta qaraldy.

Sottyń baspasóz qyzmeti usynǵan málimetke súıensek, tártip saqshysy óziniń qyzmettik kórsetkishterin jaqsartpaq bolǵan. Ol úshin Óskemen qalasynyń bir turǵynynyń atyna ákimshilik quqyq buzýshylyq týraly jalǵan tórt hattama toltyrdy.

Sot polıtsııa qyzmetkerin Qazaqstan Respýblıkasy Qylmystyq Kodeksiniń 416-baby 2-bóligimen (Ákimshilik quqyq buzýshylyq týraly ister boıynsha dáleldemelerdi ákimshilik quqyq buzýshylyqtar týraly hattama jasaýǵa ýákilettik berilgen laýazymdy adam jasaǵan burmalaý) kináli dep tanydy.

«Aıyptalýshyǵa úsh jyl merzimge memlekettik qyzmette laýazym atqarý quqyǵynan aıyra otyryp, 2 jarym jylǵa bas bostandyǵyn shekteý jazasy taǵaıyndaldy. Úkim zańdy kúshine engen joq», - delingen aqparatta.