Óskemende kópirden sekirmek bolǵan qyz qutqaryldy
ShQO polıtsııa departamenti baspasóz qyzmetiniń málimetine súıensek, búgin tańerteń kólik júrgizýshileri Ertis kópirinen sekireıin dep turǵan qyzdy baıqap, polıtsııaǵa habar bergen.
Oqıǵa ornyna shuǵyl túrde qutqarýshylar men tártip saqshylary jetti. Olar 23 jastaǵy qyzdy sózge tarta bastady. Sol ýaqytta TJD qyzmetkerleri ratsııa arqyly qaıyq shaqyrdy.
«Qyzdyń kóńili sál aýlanǵan sátte qutqarýshylar men polıtseıler jyldam áreket etip, ony ustap aldy. Sodan keıin qaýipti aımaqtan alyp shyǵyp, jedel járdem qyzmetkerlerine tapsyrdy. Qazir onyń ómirine eshqandaı qaýip tónip turǵan joq», - delingen aqparatta.
Qyzben psıhologtar jumys istep jatyr. Onyń ne sebepti óz-ózine qol jumsamaq bolǵany anyqtalady.
Esterińizge sala ketsek, osyǵan deıin ShQO-da eki kólik betpe-bet soqtyǵysyp, 6 adam mert bolǵany habarlanǵan.