Óskemende kommýnaldyq mekemeden 9 aı boıy aqshasyn ala almaı júrgen kásipkerdiń quqyǵy qorǵaldy
Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, Óskemendegi kommýnaldyq mekemeniń kásipkerge taýarlardy jetkizgeni úshin berýi tıis tólemdi negizsiz keshiktirgeni anyqtaldy.
«Sybaılas jemqorlyqqa qarsy qyzmetke jáne «Atameken» óńirlik kásipkerler palatasyna júgingen kásipker «Taza Óskemen» kommýnaldyq mekemesiniń laýazymdy tulǵalaryna qatysty shaǵym aıtty. Ol atalǵan kommýnaldyq mekemeniń jetkizip bergen taýarlary úshin tólemdi 2022 jyldyń tamyz aıynan beri negizsiz sebeptermen tólemeı júrgendigin málim etti. Taýardy jetkizýshi kásipker shart boıynsha barlyq mindettemelerdi tolyq oryndaǵan, bul eki tarap qol qoıǵan taýardy qabyldaý-berý aktisimen rastalyp otyr», - delingen aqparatta.
Osy ýaqytqa deıin kásipker bul máseleni retteý úshin qajetti sharalardy qabyldaǵanymen, sharttyq mindettemeler boıynsha tólem júrgizilmegen. Soǵan oraı ShQO Sybaılas jemqorlyqqa qarsy qyzmeti men «Atameken» óńirlik kásipkerler palatasynyń aralasýynan keıin taraptarmen kezdesý uıymdastyryldy. Nátıjesinde, «Taza Óskemen» kommýnaldyq mekemesi kásipker aldyndaǵy qaryzdy tolyq tóledi.