Óskemende kólik aǵashqa soǵylyp, 1 adam kóz jumdy

<p>ÓSKEMEN. KAZINFORM &ndash; Óskemen qalasynda kólik aǵashqa soǵylyp, 1 adam kóz jumdy.</p>

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy qaladaǵy Bajov kóshesinde bolǵan.

«Subaru avtokóligi joldan shyǵyp ketip, aǵashqa soǵylǵan. Sonyń saldarynan kólik ishinde otyrǵan jolaýshy sol jerde til tartpaı ketti», - dep habarlady vedomstvo ókilderi.

Aldyn ala derek boıynsha jol apatyna júrgizýshiniń kólik tizginine ıe bola almaı qalýy sebep boldy. Qazirgi ýaqytta sotqa deıingi tergeý amaldary júrgizilýde.

Eske salsaq, osyǵan deıin Shyǵys Qazaqstan oblysy Altaı aýdanynda esirtki qabyldap alǵan adamnyń kóshede kólik aıdaǵany habarlanǵan.