Óskemende qolaısyz meteorologııalyq jaǵdaı áli de saqtalyp tur
Óskemende 20 qarashadan beri qolaısyz meteorologııalyq jaǵdaı qalyptasqan. ShQO ekologııa departamenti QMJ qarasha aıynyń sońyna deıin sozylatyndyǵyn málim etken.
Dese de 1 jeltoqsanda áli de qolaısyz meteorologııalyq jaǵdaı saqtalyp tur. «Qazgıdromet» RMK málimetinshe, qala boıynsha ekinshi dárejeli QMJ qalyptasqan.
Aıta keteıik, Óskemende aýa sapasyn baqylaý úshin arnaıy komıssııa qurylǵan bolatyn. Onyń quramyna ekologııa departamentiniń mamandary, qoǵam belsendileri, meteorologtar, sarapshylar men oblystyq máslıhat depýtattary kirdi. Komıssııa músheleri taıaýda Zaşıta shaǵyn aýdany men Mırnyı kentinde bolyp, aýa sapasyn teksergeni habarlanǵan.
Shyǵys Qazaqstan oblysynyń ákimi Ermek Kósherbaev máseleniń sebep-saldary men ony sheshý úshin qandaı sharalar atqarylatyn túsindirgen edi.