Óskemende qoǵamdyq kólikte jolaqyny QR kod arqyly tóleýge bolady
16:45, 15 Sáýir 2022
ÓSKEMEN. QazAqparat – Óskemen qalasyndaǵy qoǵamdyq kólikterde jolaqyny QR kod arqyly tóleýge múmkindik jasaldy, dep habarlaıdy QazAqparat tilshisi.
Kelesi aptadan bastap avtobýstarda, shaǵyn avtobýstarda jáne tramvaılarda jolaqysyn tóleýge arnalǵan QR kodtar engizilmek.
Bul qalalyq jolaýshylar tasymalyn basqarý ortalyǵy men Kaspi Bank arasyndaǵy kelisimshart aıasynda jasalyp otyr.
«QR-kod arqyly tóleý kezinde jol júrý aqysy avtobýstar men shaǵyn avtobýstarda 90 teńge, tramvaıda 80 teńge bolady. Bul baǵa mamyr aıynda dıfferentsıaldanǵan tarıf engizilgennen keıin de saqtalady», - delingen ortalyq mamandary taratqan aqparatta.
Aıta ketý kerek, qandaı da bir jeńildikter tıesili sanattaǵy azamattarǵa QR-kod arqyly aqsha tólegen kezde jeńildikter eseptelmeıdi.
Tek arnaıy jasalǵan kartamen nemese qolma qol aqshamen tólegen kezde jeńildik jasalady.