Óskemende qatty jel úsh qabatty ǵımarattyń shatyryn ushyryp áketti

ÓSKEMEN. QazAqparat – Óskemen qalasynda qatty jel úsh qabatty ǵımarattyń shatyryn ushyryp áketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 15 qarashada shaharda jyldamdyǵy sekýndyna 20 metrge deıin deıin jetetin jel turyp, 30-shy Gvardııalyq dıvızııa kóshesindegi kóp qabatty ǵımarattyń shatyryn ushyryp áketken. Túrli mekeme keńseleri ornalasqan nysannyń jalpy aýdany 1800 sharshy metrdi quraıdy.

«Abyroı bolǵanda, eshkim zardap shekken joq. Sol jerde jergilikti atqarýshy organ ókilderinen quralǵan komıssııa jumys istep jatyr», - delingen aqparatta.

TJD mamandary osyǵan deıin óńir jurtshylyǵyna daýyldy eskertý jarııalaǵan bolatyn. Qandaı da bir qıyndyqqa tap bolǵan turǵyndar «112» nómirine habarlasýlary qajet.