Óskemende qarjy pıramıdasyn quryp, halyqty 42 mln teńge shyǵynǵa batyrǵan áıel sottaldy

<p>ÓSKEMEN. KAZINFORM &ndash; Óskemen qalasynda qarjy pıramıdasyn quryp, halyqty 42 mln teńge shyǵynǵa batyrǵan áıelge qatysty sot úkimi shyqty.</p>

Qalalyq №2 soty baspasóz qyzmetiniń málimetine súıensek, S.esimdi aıyptalýshy keńse ashyp, óz qyzmetin jarnamalaǵan. Ol paıyzsyz nesıe berý arqyly jyljymaly jáne jyljymaıtyn múlikti tıimdi alýǵa járdemdesetindigin aıtyp, klıent tartady. Buǵan sengen adamdar aqshalaryn berip, áıel adam qurǵan kooperatıvpen kelisim-shartqa otyrǵan.

Alaıda 19 adamnyń birde bireýine nesıe de berilmeı, aqshalary da qaıtarylmady. Osynyń saldarynan jábirlenýshilerge 42 880 461 teńge materıaldyq zalal keltirilgen. 

«Sot sheshimimen sottalýshy kináli dep tanylyp, bes jylǵa bas bostandyǵynan aıyryldy. Úkim áli zańdy kúshine engen joq», - delingen aqparatta. 

Eske salsaq, osyǵan deıin eldiń shyǵysynan jylqy urlap, ońtústikke satýmen aınalysqan qarýly top ustalǵany habarlanǵan.