Óskemende tátti saqtalǵan alyp qoıma órtendi

<p>ÓSKEMEN. KAZINFORM — Óskemende iri qoıma órtendi. 1500 sharshy metrdi sharpyǵan jalyndy aýyzdyqtaýǵa poıyz tartylǵan. </p>

Búgin Qazaqstannyń shyǵysynda órt sóndirýshiler angar úlgisindegi qoımadaǵy órtpen arpalysty.

Aldyn ala málimet boıynsha, Óskemen qalasynda kondıterlik ónimder janǵan.

Foto: vıdeodan kadr

Túngi 12-den ótkende ǵana tilsiz jaýdy óshirý múmkin boldy. 

Ony aýyzdyqtaýǵa ShQO tótenshe jaǵdaılar departamentinen 16 tehnıka, 40-tan astam adam, sondaı-aq Qazaqstan temir jolynyń órt sóndirýshi poıyzy jumyldyrylǵan.  

ShQO TJ departamentiniń bastyǵy Rashıd Blıalovtyń aıtýynsha, eshkim zardap shekpegen.

Foto: TJM

Órttiń aldyn ala sebebi — qurylys-montajdaý jumystaryn júrgizý kezinde órt qaýipsizdigi tehnıkasyn saqtamaý.