Óskemende qaltasynan marıhýana tabylǵan er adam 20 saǵat kóshe sypyrady

ÓSKEMEN. QazAqparat – Óskemen qalalyq №2 sotynda marıhýanamen ustalǵan er adamǵa qatysty úkim shyqty, dep habarlaıdy QazAqparat tilshisi.

ShQO soty baspasóz qyzmetiniń málimetine súıensek, er adam osy jyldyń aqpan aıynda temirjol beketi mańynda ketip bara jatqanda polıtsııa qyzmetkerleri toqtatqan.

Tekserý barysynda onyń qaltasynan 2,21 gramm keptirilgen marıhýana tabyldy.

«Sot barysynda aıyptalýshy esirtkini satý maqsatynda emes, jeke ózi paıdalaný úshin saqtaǵanyn jetkizdi. Jaza taǵaıyndaý kezinde jeńildetetin mán-jaı retinde onyń óz kinásin moıyndaýy, zańsyz áreketine ókinetini jáne buryn sotty bolmaǵany eskerildi», - delingen aqparatta.

Sot sheshimimen kináli dep tanylǵan aıyptalýshy 20 saǵat kóshe sypyrýǵa mindetteldi.

Úkim zańdy kúshine endi.