Óskemende ıesiz ıtter 400-den astam adamdy qapqan
Qalalyq sanıtarlyq-epıdemıologııalyq baqylaý basqarmasynyń málimetine súıensek, jyl basynan beri aýrýhanalarǵa qańǵyrǵan ıtter tisten alǵan 448 adam júgingen. Jalpy 11 aıǵa jýyq ýaqyt kóleminde ıesiz janýarlardyń shabýylynan myńǵa jýyq adam zardap shekti. Onyń ishindegi balalar sany – 288.
Kóbinese halyqty ıesiz ıtter qaýyp alyp jatty. Al 369 adamdy úıdegi ıtter, 69 adamdy qańǵyrǵan mysyq, 161 adamdy úı mysyqtary tistedi. Barlyq zardap shekkender qutyrýǵa qarsy ekpe alǵan.
«It, mysyq jáne basqa da janýar tistep alǵan adam qutyrý jáne sirespe aýrýlaryna dýshar bolýy múmkin. Sondyqtan da ýaqtyly ekpe saldyrý kerek. Bıyl Óskemende osyndaı aýrýlar tirkelgen joq», - delingen aqparatta.
Eske salsaq, osyǵan deıin buralqy ıtterdi aýlaýǵa, zararsyzdandyrýǵa qansha qarajat qajettigi habarlanǵan.