Óskemende halyqaralyq standarttarǵa saı velotrek ashyldy
BMX – velosıped sportynyń keń taralǵan túri jáne ol 2008 jyldan beri olımpıadalyq oıyn túrleriniń qatarynda.
Óskemende salynǵan velotrek jastardy osy sport túrine baýlýǵa múmkindik beredi.
Qala ákimi Jaqsylyq Omardyń aıtýynsha, velotrek qurylysy halyqaralyq standarttarǵa sáıkes júrgizilgen.
«Velotrek alǵashqy mańyzdy synaqtan ótkizildi. Munda VMH boıynsha ashyq oblys chempıonaty uıymdastyryldy. Jarysqa Óskemen, Almaty, Taldyqorǵan qalalarynan ár túrli jas sanatyndaǵy sportshylar qatysty. Sportshylar men jattyqtyrýshylar jańa alańnyń sapasymen qatar týrnırdiń uıymdastyrylýyna qatysty da óz pikirlerin aıtyp, jyly lebizderimen bólisti», - dep jazdy qala basshysy Facebook jelisindegi jeke paraqshasynda.
Esterińizge sala ketsek, osyǵan deıin Óskemende halyqaralyq standarttarǵa saı velotrek salynyp jatqanyn habarlaǵan edik.