Óskemende gazben júretin kólikter tekserildi
ShQO Tótenshe jaǵdaılar departamenti, qalalyq TJB jáne Polıtsııa basqarmasynyń qyzmetkerleri gazben júretin kólikterge arnalǵan turaqtarda reıd júrgizdi.
«Elimizde jyl saıyn órt oqıǵalary artyp keledi. 2016 jyly gazben júretin mashınalardy 74 ret jalyn sharpysa, bul kórsetkish 2017 jyly – 80, 2018 – 114, 2019 – 106-ny quraǵan», - delingen oblystyq TJD málimetinde.
QR Órt qaýipsizdigi erejeleriniń 1099-1-tarmaǵyna sáıkes, syǵymdalǵan tabıǵı gazben jáne suıytylǵan munaı gazymen jumys isteıtin qozǵaltqyshtary bar avtomobılderdi basqa maqsattaǵy ǵımarattarǵa kiriktirilgen jáne olarǵa japsarlas, sondaı-aq jer deńgeıinen tómen ornalasqan jabyq tıptegi avtoturaqtarǵa qoıýǵa jol berilmeıdi. Tyıym tek saýda jáne bıznes ortalyqtaryndaǵy turaqtarǵa, sondaı-aq turǵyn úı keshenderindegi jerasty jabyq avtoturaqtarǵa qatysty.
«Reıd qorytyndysy boıynsha avtoturaq erejelerin buzǵan birqatar gazben júretin kólik júrgizýshisi ákimshilik jaýapkershilikke tartyldy», - dep habarlady vedomstvo ókilderi.
Osy rette, ShQO TJD óńir turǵyndaryna jazataıym oqıǵalardy boldyrmas úshin qaýipsizdik erejelerin qatań saqtaý qajettigin eskertedi.