Óskemende erteńnen bastap tramvaı júrmeıdi

<p>ÓSKEMEN. KAZINFORM — Óskemen qalasynda erteńnen bastap tramvaı qatynamaıdy.</p>

«Jolaýshylardy tasymaldaýdy basqarý ortalyǵy» JShS málimetine súıensek, 14 maýsymda qala boıynsha tramvaı qozǵalysy toqtaıdy. Buǵan rels aýystyrý jumystarynyń júrgizilýi sebep bolyp otyr. 

«Tramvaılar 17 maýsymǵa deıin qatynamaıdy. Turǵyndardan túsinistik tanytýyn suraımyz», — delingen habarlamada.

Tramvaı búgin saǵat 21:35–ke deıin júredi. 

Eske salsaq, osy jyldyń sáýir aıynda Óskemen qalasynda júrip kele jatqan tramvaı órtengen edi.

Ottyń shyǵýyna — qaýpi joǵary agregatpen abaısyz jumys isteý sebep bolǵan. Abyroı bolǵanda, eshkim zardap shekpedi.