Óskemende erteń qaıtadan qolaısyz meteorologııalyq jaǵdaı qalyptasady

<p>ÓSKEMEN. KAZINFORM &ndash; Óskemen qalasynda jel tek 2 kún soqty. Erteń taǵy da qolaısyz meteorologııalyq jaǵdaı qalyptasady.</p>

Óskemende 20 qarashada bastalǵan qolaısyz meteorologııalyq jaǵdaı 2 jeltoqsanǵa deıin sozyldy. Sol ýaqytta qala ishin tútin tumshalap aldy. Halyq tamaǵy kúıip, basy aýyryp, júregi aınyp, dem alý qıyndap ketkenine shaǵymdandy. 

Áıteýir jel soqqanda shahar kósheleri ashylyp qaldy. Biraq turǵyndardyń qýanyshy uzaqqa sozylmady. Sebebi qaıtadan qolaısyz meteorologııalyq jaǵdaı qalyptasatyny habarlandy. 

— Búgin saǵat 20.00-den bastap 5 jeltoqsan 20.00-ge deıin Óskemende ekinshi dáreje týraly eskertý jarııalandy, — dep habarlady «Qazgıdromet» RMK-dan.

Eske salsaq, osyǵan deıin Shyǵys Qazaqstan oblysynyń ákimi Ermek Kósherbaev ekologııa máselesiniń sebep-saldary men ony sheshý úshin qandaı sharalar atqarylatynyn túsindirgen edi.