Óskemende er adam oq jaraqatynan qaıtys boldy

<p>ShQO polıtseıleri oblys ortalyǵynda oq atqan er adamdy ustady, dep habarlaıdy <a href="https://kaz.inform.kz/" target="_blank" rel="noopener">Kazinform </a>ShQO Polıtsııa departamentiniń baspasóz qyzmetine silteme jasap.&nbsp;</p>

13 qańtar kúni oblys ortalyǵynyń «102» arnasyna dabyldy qońyraý túsken. Qońyraý shalýshy kireberisterdiń biriniń janynda er adamnyń qanǵa boıalyp jatqanyn habarlaǵan. Oqıǵa ornyna kelgen boıda máıit tabyldy. Boljam boıynsha er adam oq jaraqatynan qaıtys bolǵan.

Bul faktige dereý patrýldik bólimsheler jedel den qoıyp, 10 mınýttyń ishinde 26 jastaǵy kúdikti ustaldy.

«Atalǵan fakti boıynsha kisi óltirý (QR QK 99) babymen sotqa deıingi tergeý bastaldy. Bolǵan oqıǵanyń barlyq mán-jaıy anyqtalyp jatyr», - delingen polıtsııa habarlamasynda.

QR QPK-niń 201-babyna sáıkes ózge aqparat jarııa etýge jatpaıdy.