Óskemende eki jigit Úlbi ózenine qulap ketken qyzdy qutqaryp qaldy

<p>ÓSKEMEN. KAZINFORM &ndash; Óskemen qalasynda aǵyny qatty Úlbi ózenine qulap ketken 18 jastaǵy boıjetkendi eki jigit qutqaryp qaldy.&nbsp;</p>

ShQO Tótenshe jaǵdaılar departamenti baspasóz qyzmetiniń málimetine súıensek, eki qala turǵyny sýǵa batqan qyzǵa kómek kórsetip, erlik jasaǵan.  

Ystyq kúnde salqyndap alǵysy kelgen 18 jastaǵy boıjetken jaıaý júrginshiler jolaǵynan Úlbi ózeniniń jaǵasyna qaraı tómenge túsken. Kenet tepe-teńdikti ustaı almaı, sýǵa qulap ketken. Kómek suraǵan daýysty jaqyn jerde turǵan Dáýren Toqtaǵanov pen Jańasbek Permabek estip qalǵan. 

«Olar esh abdyramaı, tez kólikke otyryp, ózenniń qarama-qarsy jaǵalaýyna jetip aldy. Sodan soń tómenge qaraı túsip, sýda aǵash butaqtarynan ustap turǵan qyzdy kóredi. Jańasbek ózenge kirip, qyzdy sýdan tartyp alyp shyǵyp, Dáýrenniń qolyna berdi», - delingen aqparatta. 

Osylaısha, ekeýi boıjetkendi qutqaryp qalǵan. Qazir onyń jaǵdaıy jaqsy.