Óskemende eki oqýshy pyshaq jaraqatyn aldy: Mektep dırektoryna qatysty tekserý bastaldy

<p>ÓSKEMEN. KAZINFORM &ndash; Óskemen qalasynda eki oqýshy pyshaq jaraqatyn alǵan mekteptiń dırektoryna qatysty qyzmettik tekserý júrgizilip jatyr.&nbsp;</p>

Eske salsaq, qaladaǵy orta mektepterdiń birinde eregesip qalǵan eki oqýshynyń biri qaltasynan jınalmaly pyshaq alyp, qarsylasyna suǵyp jibergen. Ol ózine de abaısyzda dene jaraqatyn keltirgen edi. 

ShQO Densaýlyq saqtaý basqarmasy baspasóz qyzmeti aýrýhanaǵa jatqyzylǵan jasóspirimderdiń jaǵdaıy qalypty ekendigin málimdegen. 

Óskemen qalalyq bilim bóliminiń habarlaýynsha, qazirgi ýaqytta mektep dırektoryna qatysty tekserý júrgizilip jatyr.

«Atalǵan fakti boıynsha bilim bólimi qyzmettik tekserý júrgizip jatyr. Mektep ákimshiligi tártiptik jazaǵa tartyldy. Aýrýhanaǵa jatqyzylǵan balalardyń jaǵdaıy turaqty baqylaýda. Mektep dırektoryna qatysty qyzmettik tekserý taǵaıyndalǵan. Qabyldanǵan sharalar týraly qosymsha habarlanatyn bolady», - delingen aqparatta.