Óskemende bir top adam 52 adamǵa pedagogtiń biliktigi sertıfıkatyn satqan

<p>ASTANA. KAZINFORM &ndash; Sybaılas jemqorlyqqa qarsy is-qımyl agenttiginiń kezekti brıfınginde vedomstvonyń resmı ókili Arman Tileýkenov 52 adamǵa pedagogtyń biliktigi sertıfıkatyn satqan Óskemen turǵyndarynyń ústinen sotqa deıingi tergeý aıaqtalǵanyn málim etti.</p>

«Shyǵys Qazaqstan oblysynyń Sybaılas jemqorlyqqa qarsy qyzmeti Óskemen qalasynyń turǵynyna jáne basqa adamdarǵa qatysty «alaıaqtyq» baby boıynsha sotqa deıingi tergep-tekserýdi aıaqtady. Atalǵan adamdar aldaý arqyly azamattardyń qarajattaryn asa iri mólsherde ıemdengen. Tergeý barysynda kúdikti 2022 jyldyń maýsymy men 2023 jyldyń shildesi aralyǵynda biliktilik alý úshin testileýden sátti ótkeni týraly sertıfıkat berý syltaýymen aldaý arqyly 52 azamattyń jalpy somasy 17,4 mln teńge aqshalaı qarajatyn ıemdengeni anyqtaldy. Bir jalǵan sertıfıkattyń quny 200 myńnan 700 myń teńge aralyǵynda bolǵan», - deıdi agenttiktiń resmı ókili.

Arman Tileýkenovtiń aıtýynsha, atalǵan turǵynǵa UBT sertıfıkattaryn da satty degen aıyp taǵylyp otyr.

«Sondaı-aq, kúdikti UBT-ny sátti ótkendigi týraly sertıfıkat berý syltaýymen oblystyń 2 azamatynyń jalpy somasy 2,4 mln teńgege aqshalaı qarajatyn ıelengen. Materıaldyq zalaldyń jalpy somasy 19,8 mln teńgeni qurady.

Sotqa deıingi tergep-tekserý sheńberinde qarjylyq tergep-tekserý júrgizildi. Onyń nátıjeleri boıynsha, zalaldy óteýdi qamtamasyz etý maqsatynda, qylmystyq is fıgýrantynyń avtokólik quralyna tyıym salyndy. Sottyń sanktsııasymen kúdiktige úıqamaq túrindegi bultartpaý sharasy qoldanyldy», - dedi resmı ókil.